قول الحمدلله ///بقلم عبدالعزيزمكي

عبدالعزيز مكى يكتب

(قول الحمد لله)

قول الحمد لله … تلقى الصعاب بتهون … وتعدى مهما يكون
قضاه كله خير ورحمه … وإوعى الجحود إياك …
معاك الدنيا حر وزحمه … وناس كتير بتئِـــن …
وسوق خضار ولحمه … وذمم كتير فى السوء …
ومحدش عاجبه حاجه …
لا واعى للى إتعمل ولا ساعى يمة عمل ولاهمم تصنع أمل
ولا شايف رجال فرسان فى كل الميادين حراس مخلصين
ولا عارف شباب قمم صغار فى السن
شطوره يشكى وبس يبكى عاللى راح
… وياريت حبة هدوء يا سايق معاك أرواح
…….

ورغم إن بنئن زيهم مرات … لاكن فيه ناس كتيـــر بنحبهم
كتيـــر كتيـــر … أوقات
فيهم كتير عايشين … ومنهم اللـــى مات …
ولسه بنحبهم ؟ أُمال ده حبهم كإنه فرض وسُنّة …
الحب أصله قدر … لا فضل فيه ولا منّة …
فيه الـدقـايـق كدر … وليالى ورد وحنّة …
لا سُلطه فيه ولا جاه … ولا تورته مع برفاه …
ولا سطوه فيه للمال … ولا موضه وكتر جمال …
الحب أصله أصل … قيمة وديمه وذات …
وعمره عمر الزمن لا باقى منه كده … ولا تحسب اللى فات
أنفاسه طُهر وعزه … وتحتها نبضات …
والنّفس لو يتحبس … تلقى البشر أموات
والعمده حب الوطن … والعهده عالمؤتمن … مليون حبيب
وحــبــيــب …….
والوحده أغلى تمن … صونها ف عينيك يا لبيب
صحصح للى خانوك وسرقوا عمر أخوك وحرقوا قلب أبوك
واللى قتل حمد … حمد وكبّر ذميم خسيس ولعين
جيفه وخليفه زور … كدب وفجور ولا دين
بيعه وشيعه وقاعدة … إلخ … أسيادهم الصهايين
لاضمين فى حبل الشوك
شاطرين ف الفرقه بين الإخوات وسرقة المساكين
وإحذر تقع فى الفخ ….. وتصدق الخاينين
ونصرة اللى إنظلم ولابد … عهد ليوم الدين …
…….
بس الصنم سحب الغنم وناموا فى جحر الديب
نعيق ورقيق وحشيش وحريق جواهم
ومعاهم شيوخ منصر … قرود وحواه
وأبولمعه ضيف ومضيف وأسوأ خاتمه
وربك المنتقم …
…….
والدنيا شمعه ودمعه ومهما تعلى الآه
قول بكل رضا سبحانه جل علاه .
قولوا الحمد لله