قصيده … يا عالم الدور علي مين

تأليف :- أسماء سعفان

كل حاجه فيها ريحته
فاگره لما ف يوم لمحته
قلبي كان مهموم وشايل حمل
ولانقول جبال
لسه سامعه صوت الاغاني
اللي كان يزعجني بيها
بس لما اقله وطي ……
الصوت ياعم ….كان بيزعل
ماهي فرحته لازم هتكمل
شفته اخر مره فيها بدر نور ف السما
الله ياعم ايه كل دا
ماهو العريس دايما كدا
شفته يومها مهموم وشارد
مالك ………………….مفيش
مالك ……………… … مفيش
مالك بجد !!!!!؟؟؟؟
عندي شغل وخايف مجيش
لا متخفش هترجع
حاسس ان فرحتي مش هتكمل
لا هترجع فرحتك لازم هتكمل

مش بعاده الفضفضه اصلك كتوم
اصل الهموم زادت عليا زي الغيوم

لسه فاكره هزارك معايا
فرحك باذن الله حكايه
هفضل ارقص لحد ما اتعب
وهترقصي طبعا معايا
لما قلي اطبخي لي اكل فرحي
وافرشي لي شقتي …..حاضر
ومن فرحتي عليت ضحكتي

واما النهاردا كنت بطبخ للعزا
فجاه نزلت دمعتي قلت والله
ما اطبخ انا
وصراخي سمع والدتي
رايح عريس للجنه بس اكيد له ونيس
لسه صوتك بيناديني
الحق الباقي ف سنيني
مهما كان من عمري باقي
مش هيكون قد اللي فات
صوت الاهااااااات وسط السكات
ضربات بتنزل ع القلوب تخليها تدمع
اصل القلوب مهياش حجر ولا حتي ورق دا احنا بشر

لازم نستعد بجد
ياعالم
الدور علي مين.