مش محتاجه منك حاجه الشاعرة المبدعة / ” ملك إسماعيل أحمد ”

مش محتاجه منك حاجه
ولا قلبي محتاج لاجابة
رايح جي تقول ف كلام
فاكر الحب عتاب وملام
الحب ده عطاء ووئام
الحب ده حدوته كبيرة
ضحكايا مع غنوة جميلة
سيبيك انت والله مغرور
وبكرة هيجي عليك الدور
هتصحي تلاقي حبيبك سابك
هيرحل يمشي من قدامك
افرح يله بقي بغرورك
مثل تاني وكمل دورك
فاكرة لسه مصدق كلامك
فوق يله من اوهامك
كان بيحبك ايوه صحيح
كان بيسابق بيك الريح
ماشي معاك واضح وصريح
سايبلك قلبه كتاب مفتوح
فكرك يعني هيعيش مجروح
اصحي وفوق اخرج من دورك
قلبي خلاص كشف غرورك
هيمشي ويرحل من قدامك
الصمت ده بقي عنوانه
اوعي تفكر مش علشانك
ولا علشان قلب وخانه
لا خلاص شاف قدامه

فتح عينه وفكر مرة
ان الحب ده مش موجود
فكر وحيرة واغلال وقيود
راحل انا لدنيا جديدة
من غير احزان واشواق وحيرة
هقول يارب بعلو الصوت
ان العمر يعدي يفوت
راحلة انا وسايبه الكون
وف قلبك انا ذكري جميلة
سايبه بصمه وعلامه كبيرة