التفاصيل الكاملة لمصرع سيدة حرقا على يد زوجها في الشرقية والمتهم يطلب منها التستر عليه

كتبت/لمياء الباجوري

شهدت قرية صبيح في مركز ههيا بمحافظة الشرقية واقعة بشعة بعد مصرع سيدة حرقا على يد زوجها وكان اللواء رضا طبلية قد تلقى اخطارا من اللواء هشام خطاب بوصول “أسماء”23عام مصابة بحروق في جسدها باكمله لمستشفى ههيا للحروق والرواية كما يرويها اهالي القرية

 

“شوفنا المرحومة طالعة تجري والناس ماسكة في جسمها وبتصرخ طفوني حاولنا نطفيها وعلى الفور ابلغوا الاسعاف الذي قدم مسرعا وقام بنقلها وبصحبتها زوجها وخالته وقام الاهالي بالاتصال بشقيقها “محسن” الذي قدم مسرعا من عمله وتوجه لشقيقته الذي اخبرته بتفاصيل ماحدث وهي تنازع الموت قائلة”عاتبته عشان مش شايف بيته وبسبب شربه المخدرات زي ما انتوا عارفين وسبتوني عايشة معاه ومابيصرفش على ولاده زهقت وعاتبته ضربني بالخرطوم وبخشبة السرير وسكب عليا التنر واشعل النار في جسدي وبعدها هو وخالته قالولي ماتقوليش ان جوزك عمل كدا وقولي ان النار مسكت فيكي غصبا عنك انا بحكيلك عشان لو موت مش تسيبوه وتجيبوا حقي واخذت تتنفس بصعوبة”

 

وقالت “حميدة “50سنة والدة المجني عليها ” اتقدملها من خمس سنين وكان راسم دور المحترم وبعد جوازها بفترة كشر عن انيابه واكتشفنا تعاطيه للمخدرات بس للاسف كان خلفت عيلين وابوها مات وقولت اهي مستورة في بيت جوزها لحد ماحرمني منها ربنا ينتقم منه وحاولت كتير اصلاحه وكانت هي الضحية