شعر/ اسماء ممدوح ( بنت الصعيد )
أفرحى بجيشك يا مصر
لنسر علمك العظيم
علي ضفتك ابنى له قصر
صاحب عبور تلاته وسبعين
اللى حامى حدودك وشعبك
اللى حاسس بألمك وتعبك
واللى حقق أغلى نصر
أفرحى بجيشك يا مصر
*********
خطى رجالنا القنال
هدموا وقتلوا الضلال
ورفعوا النصر على المدنه
وجلجل صوت بلال
الله اكبر الله اكبر
*********
ليل النكسه إنزاح
وكفايه ألم ونواح
وخد وياه جراحنا
ما طابت خلاص الجراح
وبأدينا جبنا الصباح
*********
قالوا زمان بارليف
حصن منيع ومخيف
لكن بعزم رجالنا
اتحطم خلاص بارليف
والحق في ايدنا سيف
افرحي بجيشك يا مصر
***************
بنـت الصــعيـد
يجب عليك تسجيل الدخول لكتابة تعليق.