انا الشهيد للشاعر المبدع / السيد الجمال

انا الشهيد اللى جاى…………>>>>>>>>> يامصر ياصابيا

.هو دم ولادك عندك رخيص .ما تردى عليا سيباهم يموتو وبدورى على العريس.

شهداء رفح وسينا والوادى ما قولتيش مرة ولادى …ثورى مرة فى وش الاعادى

..ياما دانا ليا سنين ليكى بنادى امتى بس هتحسى بيا وتسمعىى ندايا .

اخويا مات ياما ودمة سال الارض وانتى سكتا ياما ولادمعة منك نزلت علية.

هو انتى فعلا امنا ودة بيتنا ولا انتى متبنيانا عرفينا وفهمينا يمكن نلاقى امنا اللى تحس بينا وتجيب حقنا .

…عينى ياما نشفت من الدموع وقلمى حبرة جف ..انا مسافر ياما ومش ناوى الرجوع .

بس امانة ياما ووصية خلى بالك من اخواتى وولادى من بعدى وانا رايح ياما على الحدود

اجيب حقى وحق اخواتى اللى ماتو ولو مت ياما وصيهم يفتكرونى وقوليلهم يجيبو حقى وحق اخواتى اللى ماتو.

.واوعى فى يوم اهون عليكى وترخصى دمى ..دانا عندى هموم تكفى الكون .

افتكرت همومك ونسيت ياما همى ..وخلا ص ياما انا مسافر ومش ناوى الرجوع

غير لما اجيب حقى وحق اخواتى اللى ماتو ووعد ياما عليا ودين ما اسيب عدوك مهما كانت

بلادة ..

..فكرة ياما صحبى اللى كان عريس وكان فرحة يوم الخميس دبحوة ياما دمة راح رخيص وفى جنازتة حتى ما وقفتيش تخدى عزاة .

دمنا هان عليكى وبيعانا برخيص امانة ياما لو دخلت الجيش وفرحى كان فى اخر ايامى فى الجيش ومت قولى لعروستى ما تخفيش انا لسة بردة فى الجنة عريس .

….وانا الشهيد اللى جاى .. انا غنوة الحزن اللى خارجة من شفايفك بناى وانا اللى دمعى جف من كتر بكاى …..انا