محمد عبدالله يكتب … رد علينا ياريس
محمد عبدالله
فكره سابق الناس ب 500 سنة ضوئية
ودماغه ممكن تخليك تنام ننة وهو بيخطط لحاجة تانية ويعمل حاجة ثالثة
🙄لما مهد الطرق وانشأ الكباري وشق الجبال قالوله هو احنا هناكل طرق وكباري
فين الصناعة .. فين الزراعة
بجد ؟!!!!!!
أصل احنا كنا هنوصل للزراعة والصناعة اللي عاوزينها دي بالبراشوت .. صح؟!!
او رجال الأعمال والمستثمرين هيتسلقوا الجبال مثلاً علشان يوصلوا للمزارع والمصانع اللي هيشغلوها
و اهي تبقى منها استثمار ومنها مغامرة وتسلية برضه
🙄ولما عمل سحارى سرابيوم في الإسماعيلية والقناطر في اسيوط والدلتا الجديدة والنهر الصناعي في الصحراء ومفيض توشكى وطهر البحيرات من القاذورات ورجعها للعمل والإنتاج تاني
قالوله رايح تزرع الصحراء وتهدر المياه وسد الخراب هيمنع عننا المية اصلا وانت قاعد تتفرج وخايف تضربه .. وهو احنا عندنا مية علشان توصل مية للصحراء وتعمل نهر فيها
مايعرفوش انه متوقع ودارس الأحداث وعارفها قبل ماتحصل .. وعمره ما هيتأثر بضغط شعبي ولا تسخين خارجي
ولا بتهديد ابيه حموكشة اللي كل شوية هااا انا مليت الملئ الأول .. ها تضرب ولا لأ .. طيب انا مليت الملئ الثاني .. ياعم خلص .. انا مليت الرابع والخامس اضرب بقى ابوس رجلك
وهو يسمع ولا في دماغه .. لأنه عارف ان السد فاشل ومش هيكمل .. وعارف ان لا فيه ملئ رابع ولا خامس .. وعارف ان بقاله 12 سنة بيهدد وبس .. وعارف إن فيه فيضانات بتحصل بتغرق بلاد وان المية كل مرة لما بتوصل عندنا بتروح هدر
ففكر الفكر البعيد عن أحلامهم خالص
سابهم يهروا وعمل استعداده لاستقبال المية والخير اللي جاي جاي غصب عنهم
🙄وبعد ما أسس البنية التحتية وانتهى منها بدأ في انشاء المدن الصناعية .. وبدأ كمان يشغل المصانع اللي اتقفلت سنين ويطور مدن كانت تعتبر منفصلة عن مصر تماماً .. جابها من شرقها لغربها تطوير على استثمار على كله
زي رفح والعريش وحلايب وشلاتين ومحافظات الصعيد والعاصمة الإدارية والعلمين ورأس الحكمة وغيرها وغيرها
وربط مصر كلها ببعض
أولها توصيل الانفاق اسفل قناة السويس وربط سيناء بالدلتا وآخرها ودي أكبر ضربة لبتوع صفقة الأرن وهو توصيل خط سكة حديد لسيناء
😍ايه يا عم دماغك دي
دي دماغ واحد مابينامش أساساً .. واحد مش عادي مابيفكرش غير في الخير للبلد وبس .. واحد بيعرف يثبت اعداؤه قبل أحبابه ويعمل اللي يعجبه .
قال لعزرائيل انا بحمي الأمن القومي بتاعي ودخل لعمق عمق سيناء وطهرها كلها عن بكرة أبيها
اداهم حقنة البنج وفضل يدخل لغاية ما وصل لحدودهم وكسر الاتفاقية #بمزاجهم
ووصل للي هو عاوزه من غير مايضرب طلقة واحدة ولا يعاديهم خالص
بالعكس دول فضلوا نايمين لغاية ما خلص
👊🏻 وبعدين قالهم محدش يتخيل إنه بعيد عن قدراتنا .. وقالهم اللي عملناه في 73 بإمكانيات وقتها قادرين نعلمه تاني بإمكانيات اليوم
والمفاجأة الكبري بقى .. هي كانت بالأمس القريب .
فجأة لقوه سرا سرا يعني .. اشترى 3.8 مليون طن قمح بسعر مخفض .. يانهار لونه ذهبي بلون القمح يا جدع
اربعة مليون طن ليه ياعم هتعمل ايه بكل ده انت هتاكل ليك وللزمن ولا ايه
من الصدمة مش عارفين يعاقبونا إزاي تاني.
كنتوا بتسألوا عمل الصوامع دي كلها ليه
أهو جاوبكم أهو وكان رده جوه الملعب 😁
هو ده رد الريس .
