الرئيس السيسي ينصح المصريين بالبقاء علي قلب رجل واحد ويوضح حقيقة ايرادات قناة السويس

كتبت/لمياء الباجوري

قال الرئيس عبد الفتاح السيسي، ” خلوا بالكم يا مصريين لازم تبقوا على قلب رجل واحد، ونخلي بالنا ان في ناس دايما متحفزة”.

وأضاف السيسي، خلال كلمته من الفرافرة تزامنًا مع اطلاق إشارة البدء لحصاد أول محصول للقمح بالمشروع بعد إن تم زراعة 7500 فدان منه هذا الموسم، الخميس، ” إن قناة السويس تم انشائها في عام واحد فقط، من أموال المصريين، ومن حوالي شهر ونصف كان هناك مركب تحمل براد حديد، وحدث لها عطل في المياه، نتيجة خلل فني داخل الباخرة، والموضوع اتعالج في شهر، ولا حد حس بينا، والملاحة كانت تسير بشكل طبيعي، وايرادات قناة السويس لم تقل نهائياً، وكلامى أنا مسؤول عنه، بل زادت ولا أحد يسمع كلام عكس ذلك”.

وتابع السيسي، ” كل المشاريع ديه علشان المواطن البسيط، وهناك تنفيذ خطة لمعالجة العشوائيات”، كما ان هناك مشروع قومي خامس، وهو 7 مليار متر مكعب مياه في السنة لانشاء 20 محطة مياه، وأنا بقولكم الكلام ده علشان تعرفوا ايه اللي بيتعمل وعشان اطمنكم، وعلشان بلدنا والناس البسيطة واللي هي الكتلة الكبيرة من المصريين”.

وأكد الرئيس، “أن هناك المشروع القومي للكهرباء، احنا ضاعفنا الكهرباء، كنا بنتتج 26 الف دلوقتي ضاعفنا العدد ده، بـ 400 مليار جنيه، وكل ده علشان مصر تقوم من كبوتها التي استمرت فترة كبيرة وتعاظمت بعد الـ 4 سنوات اللي فاتت كان العمل لازم يكون بالمستوى اللي شغاليين بيه، احنا بنعمل 6 مدن جديدة، مدينة في شرق بورسعيد ، والاسماعيلية الجديدة، والسويس، والعلمين، والعاصمة الادراية الجديدة، ومدينة الجلالة، وجميع المدن السابقة، بها مليار متر ارض، ألف مليون متر، لو المتر بألف جنيه هكون بتكلم في ترليون جنيه”.

وأشار إلى أنه في شهر 8 سنفتتح مزرعة سمكية في كفر الشيخ على 20 الف فدان، وهناك 25 الف فدان بتقنية متقدمة”.