أزمة طاحنة وغضب بين أهالى الغربية بسبب المقررات التموينية

مراسلنا الغربيه / د/ هندنجيب

شهدت قرى ومدن الغربية زحامًا غير مسبوق فى مكاتب التموين، وتدافعًا بين الرجال والنساء ومعارك يومية، ما بين مشادات ومشاجرات؛ حيث سادت حالة من السخط والاستياء بسبب نقص الكميات الموردة للبقالين من المخصصات اليومية لشهر يوليو الماضى.

وطالبت سامية حلمى، ربة منزل، بعودة نظام التموين القديم الذى كان يكفيها، قائلة: (كان فيه راحة، وماكانش فيه زحمة، وبناخد التموين حتى ولو كان فى نهاية الشهر).

وقال متولى عويس، عامل: (الزحام بقى شىء عادى والناس مخنوقة مش عارف تصرف تموين شهر 7 .. أمال شهر 8 هنصرفه إمتى وازاى؟) وتساءل: (فين وعود الحكومة وفين الدعم اللى بيقولوا عليه؟ احنا مش لاقيين حاجة).

وقال خالد الدسوقى، موظ: (غياب الرقابة من المسئولين، جعل البقالين يصرفون الحصة التموينية بكميات مختلفة، من بقال لآخر، وطرق الصرف متفاوتة، مما يعنى أن الأمر عشوائى ولا يوجد به أى انضباط).

وقال عادل إبراهيم، بقال تموينى: (أعمل إيه؟ هى دى الكميات اللى عندى.. واللى مش عاجبه يشتكى لمديرية التموين بمعرفته.. احنا بندى للناس اللى عندنا من الحصص اللى بتقررها الوزارة).

وكان اللواء السعيد عبد المعطى، السكرتير العام للمحافظة، قد نبه على مسئولى مديرية تموين الغربية بضرورة توفير الكميات المطلوية خلال الأيام القادمة، مع نهاية الشهر الحالى، وأكد سرعة صرف مقررات شهر يوليو لجميع المواطنين، وطلب تخفيف حدة الزحام أمام البقالين التموينيين بتوفير السلع وتنظيم عملية الصرف.