هل من الممكن قتل اوقاتنا و سعادتنا بأيدينا
بقلم :- دكتور خالد صقر
اخصائي التشخيص والعلاج النفسي
لايف كوتش معتمد من ICF
و مقدم برنامج من غير كسوف ومقدم العديد من البرامج التليفزيونية وضيف دائما بالتليفزيون المصري والقنوات الفضائية الخاصه
بنسمع مصطلح اسمه { عيش اللحظه} بس فيه ناس غصب عنها مش عارفه تعيش اللحظه 🥺
هو ممكن نقتل اوقاتنا و سعادتنا بأيدينا؟؟؟؟؟🤔
⏰(((فوبيا الوقت او الكورونوفوبيا)))⏰
النوع دا من الخوف بييجى للناس اللى بتتعرض لدا👇:-
🤦🏻♂️ الظروف اللى احنا عيشينها حاليا … تقريبا كلنا كنا مرتبين حياتنا على مواعيد معينه ، وحاجات هننجزها فى وقت معين
وكل دا تقريبا اتلغى فبدأ معظمنا يحس بالخوف والتوتر🙍
يمكن شوفنا الفترة اللى فاتت الناس اللى نزلت الماركت واشترت حاجات كتيرة جدا علشان خايفين من مرور الوقت ونفاذ الاكل ومستلزماتهم……
🤦🏻♂️الناس اللى اتعرضوا للصدمات ، اللى عندهم اكتئاب شديد ، كبار السن ، دخول السجن ، فقدان وظيفه ، طلاق ، قصور الغدة الكظرية ، عدم الوعي وعدم امتلاك مهارة التخطيط للوقت ، عدم تحديد اهداف …..دول بيكونوا اكثر عرضه للاصابه بفوبيا الوقت
💫التفكير فى المستقبل شئ كويس لكن كثرة التفكير فيه وانه يكون محور تفكيرنا دا شئ خطأ لان بكدا مش هنعيش اللحظه (الآن)……
فالناس اللى بتعانى من النوع دا من الفوبيا بيحسوا ان وقتهم بيمر بسرعه مش عارفين يستمتعوا بأى نوع من السعادة حاسين انهم معملوش اى حاجه فى حياتهم …
😵متوترين دايما وعندهم خوف وقلق من اللى هيحصل بعد كدا ومش عارفين يركزوا على دلوقت على (الحاضر)….
ضربات قلبهم سريعه ، عندهم اضطرابات النوم والاكل وجفاف الفم والعصبية…..
بمعنى أصح بنقول عليهم مركزين على نص الكوباية الفاضى وسايبين المليان🥛
النوع دا من الخوف ممكن ينتقل چينيا يعنى بالوراثه✨
👈لو بتعانى من النوع دا من الفوبيا
⭕اعمل meditation جلسات التأمل واليوجا 🧘♀️ومارس رياضه اتعلم مهارة التخطيط ✍️
⭕وممكن تستعين بأخصائي نفسي يساعدك على التخلص من خوفك وقلقك.
يجب عليك تسجيل الدخول لكتابة تعليق.