بقلم :- د خالد صقر
اكتئاب ما بعد الولادة
🤰بنتوقع ان الست اول ماتولد هتبقى فى قمه سعادتها وفرحتها بالبيبي الجديد وان وجع الحمل خلاص راح🤱 بس احياناً بيحصل العكس ودا له أسباب منها 👈 الاسباب العضويه: بسبب تغيير نسب هرمونات الاستروچين والبروجيستيرون فى الجسم والهرمونات المسؤوله عن افراز الحليب (البرولاكتين).
👈نيجي بقى للأسباب النفسية:
* الكلام وتأثيره على النفسية
(الزوج وكلامه 😱انتى تخنتى كدا ليييه🤨بطلى دلع وقومى اعملى كذا وكذا – شكلك اتغير اوووى😏 – او تيجى واحدة تقولها دانا جبت ولادى وانا بغسل 😝😌 وكلام غريب جدا الصراحه🙆 )
* ممكن يكون بسبب ان اول مرة البنت تخلف فبتصحى تلاقى نفسهامسؤوله عن بيبي دا غير المسؤوليات الكتيرة وطبعا قلة نومها .
*المشاكل مع الزوج او الاهل فى الفترة دى لأى سبب وخصوصا المشاكل بتاع هنسمي البيبي على اسم فلان وانتى جبتى بنت واحنا عاوزين ولد 🙄.
*ممكن تكون الأم دى اتعرضت قبل كدا لحاله اكتئاب او تعرضها لفقدان مامتهاوهى صغيرة فبيسبب لها حزن .
طب ايه اعراضه:-
( بيحصل فى الاسابيع الاربعه الاولى من الولادة وممكن بعد كدا بشويه ، الشعور بالحزن ، والرغبه فى البكاء وخاصة فى الصباح اكثر من المساء ، اضطرابات الاكل والنوم ، العصبية والانفعال ، والحساسية من اى كلمه ، الشعور بالذنب ، وعدم الرغبة في عمل اى شئ ، عدم التركيز والنسيان ، التفكير بالانتحار ، فقدان المتعه بأى شئ ، عدم الرغبه فى وجود البيبي ولا تحمل مسؤوليته )
طب العلاج ايه ؟؟🤔
الاعراض مش بتطول ولكن لو طولت عن أسبوعين لازم الذهاب لطبيب نفسي وبعض الحالات بتحتاج لعلاج.
الدعم النفسي أولاً من الزوج والأهل بس المهم الزوج ،
الست فى الوقت دا بتبقى محتاجاك جداً تكون جنبها وتدعمها وتساعدها وتطمنها 👩❤️💋👨 الست بتكون عاوزة احتواء وطمأنينة وحد يخليها واثقه من نفسها اكتر 😊 فرفقاً بزوجاتكم
يجب عليك تسجيل الدخول لكتابة تعليق.