الجيش علمني

– علمني ان التونا والجبنة بيتاكلوا مع بعض عادي وان الفول الأكلة الرسمية اللي ممكن تتاكل فطار غدا عشا.

– علمني ان الصابونه مكانها في الدولاب مش الحمام

– علمني اعمل منشر في السرير ويبقى اجدع من البلكونه بتاعت البيت .

– علمني ان لو معايا رغيف عيش اقسمه على 4 وناكل ونشبع كلنا برغيف واحد،

– علمني ان الكارنيه والسلاح أهم مني شخصيا

– ان الشاي هو المشروب الشعبي… ولو انت مستورد هتجيب معاك نسكافيه وقهوة

– الجيش عودني اصحى من الساعه 6 اجباااري، حتى لو مافيش خدمة ولا طوابير . 

– علمني ان الدولاب متعدد الاستخدامات.. كخزانة ملابس عادي ، اكل مايضرش، كتب مافيش مشكله، جزم برضوا عادي.

– علمني ان مفيش احلي من اكل البيت اللي كنت بتعيب فيه
_علمني الي بجد هيقف معاك للاخر امك واخواتك ومش هيزهقو ولا يملو
– علمني ان اصعب يوم في حياة الواحد يوم الترحيل
– علمني اني هكسب صحاب من جميع انحاء الجمهورية
-علمني اني اليوم الي هاخد فية الشهادة هفرح اكتر من يوم جوازي

ـــ علمني اني اعمل كل حاجة بسرعة حتا لو مش مستعجل

ــ علمني الصبر ف الغربة والبعد عن الأهل وتتعب وتخف من غير ماتحاول تحسس أهلك إنك تعبان عشان ميقلقوش ..علمني ان ممكن أنام نص ساعة بس وأصحي للخدمة وان التطبيق هو الشئ الطبيعي ف الجيش
ــ علمني إن الأصحاب ف الغربة هما الأهل والاخوات ؛
ــ علمني انام ف النور والضلمة وأتكيف مع أي ظروف مهما كانت..
-علمني اني بجد هيقدر يخسرك ٩٠ ٪ من الناس المزيفة حواليك
ــ علمني اني اغسل الهدوم واعد جمبها احرصها

ــ علمني اني لو مش معاية معلقة الكارنية او البطاقة او العيش موجودين
محدش حيحس بالكلام دا الا اللي داقه بنافسه
الحمد لله ثم الحمد لله