الرئيسية » اخبار المحافظات » من ينقذ شباب الانسانيه في محافظه الشرقيه

من ينقذ شباب الانسانيه في محافظه الشرقيه

الشرقيه ياسرمطري

شباب كان حلمهم صناعة الأمل وتحسين الصورة السلبية الي كانت منتشرة في شوارعنا..

ربنا هداهم لفكرة مخطرتشي على بال رجال العمل العام ولا الجمعيات الي ليها خبرة على مدى عشرات السنين في العمل الخدمي والتنموي..

الشباب دول صنعوا المستحيل عملوا كيان رسمي وأشهروه في وزارة التضامن الاجتماعي وسموه دار بسمة للإيواء..

الكيان ده كان هدفه رفع الغبار وإزلة الألم الـٍي موجودة على كهول وأجسام البسطاء الٍي افترشوا الشوارع وأرصفة الزقاق..

عملوا إيه الشباب.. كانوا بيخدوا الناس الٍي مرمية في الشوارع الناس الٍي فقدوا أهليهم بأسباب كانوا مشاركين فيها أو أسباب خارجة عن إرادتهم .. كانوا بتعملوا معاهم انسانيًا يعني بيحموهم ويكسوهم بلبس جديد ويأكلوهم أكل نظيف ومقبول ويداووهم ويهندموا شعورهم وأظافرهم. وده كله كان بصدقات وتبرعات المحسنين من المصريين الجدعان الٍي هما كتير آووي آووي..

وبعد نجاحهم ده.. وثقوه وأشهروا جمعيتهم ولما وجودوا ترحاب من الدولة راحوا اشتروا أرض عشان يبنوا عليها مجتمع انساني تفتخر به بلدنا كأول مكان يجمع المشردين في ربوع المحروسة..

محافظ الشرقية السابق تبني فكرتهم ودعمهم وسخر لهم كل الأجهزة وقدم ليهم كل أنواع المساعدة للأستمرار في هدفهم الأنساني، ووعدهم بمليون جنيه مع بداية بناء الأرض كمنحة من المحافظة لاستمرار نجاحهم في مشروعهم الإنساني ..

الشباب فرح آووي بعد حصول جمعيتهم على حق النفع العام الٍي يمنحهم استثناء للبناء من الحظر بقانون الزراعة ب رقم 116 / 1983 و ينطبق بشأن الشروط الواردة بالقرار الوزاري 615 / 2016..

ولكن الموضوع توقف بحجة الأرض زراعية فضاء.. لكن الشباب تمسكوا وقالوا لينا حق في الحصول على ترخيص البناء بحق الانتفاع الي حصلوا عليه خاصة وأن بجوار الأرض مزرعة دواجن مرخصة من القرن السابق وكمان في مدرسة حكومية اتبنت بالقرب منهم على الأرض الزراعية..

الشباب توسطوا لعدد من العاملين في المجال العام بالتدخل لمعرفة الأسباب الي فقدوا فيها الدعم الرسمي وكمان عدم الحصول على التراخيص لبناء ما أسموه بمدينة الانسانية الي كلنا بنحلم بيها..

الشباب دول رحبوا بكل أشكال لجان المتابعة من كافة الجهات وكمان كانوا بيتلافوا أي سلبية حتى لو بسيطة ترد إليهم من نتائج اللجان التفتيشية.. حتى فوجئوا بقرار حل مجلس الإدارة وتعين آخر بديل..

مطلب رئيس لكل الداعمين لفكرة الشباب وعملهم النبيل من المعنين بالأمر أن يتم الإعلان عن النتائج الي تم رصدها وحجم المخالفات الجسيمة الي المفروض ترتقي لحل مجلس الإدارة والي فيها صالح عام للمجتمع والمودوعين بفروع الدار الثلاثة والي استقبلوا الكثير من شملهم المبادرة الرئاسية “حياة كريمة” عشان الدعم يستمر والفكرة متموتشي والناس ترتاح..

ولو مفيش أسباب هتعلن والفكرة اعتمدت على مقولة “نريح هؤلاء الشباب عشان تعبوا الـ 3 سنين الٍي فاتت” فكل الدعوات للمجلس المُشكل بالتوفيق وخالص الأمنيات لهؤلاء الشباب بالتوفيق فيما هو آت لهم ولبلدنا الغالية..

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

google.com, pub-7996334253047576, DIRECT, f08c47fec0942fa0